Di akordu ku Rcv, um indivídu foi prezu y obidu pá polísia nacional dja kê stá ser suspeitu kê stá bulra pissoas ku atus di fetisaria.Kasu kontisi na vila di Palmeira, Sal dipôs di um desentendimentu entri um inkilinu ku dona di kasa undi ki dona pidi pá inkilinu divolvi xavis si kasa.
Ago indivíduo ki tá burla alguém ku kuzas di fetisaria nega dá xavis di kasa undi ki famílias di vítima romba porta pá entra na kasa y atxa senas di um filmi makabru.
Segundu dona di imóvel kuandu és entra na lugar és dá di kara ku monti kuzas stranhus, sima caxon pretu, 5 cruz, rodas di flor di simitériu, osus y monti kuzas ki indivíduo ka soubi explika era kuze, inda dona Isabel kê dona di kasa flá mês atxa sangui ku dizenhu di pé di alguém.
Devidu és situason txomadu polísia nacional undi kês bai obi és indivídu undi ki polísia odja mê dje tinha antisidentis kriminal. É tá fazi parti di um grupu di sidadons di um país Afrikanu vizinhu ki stá burlaba pissoas ku kuzas di fetisaria y inklusivi tinha klientis tá frekuentaba kel kasa em keston.
Kasu stá na mó di polísia ki sta investiga manenti y stá toma providênsia ku osus. Polísia judiciáriu stá tenta atxa origem di osus, sê humanu ó di animal.

” Notícias do Norte/ DYPK”