Kadáver atxadu és simana na Pedra Badejo é di Diego.

Djá stá konfirmadu, kadáver atxadu és kuarta-fera 25 di outubro na Gambota, Pedra Badejo, Santa Cruz é di Edmilson Tavares, konxidu pá Diego. Era um rapaz ku idadi na kaza di 30 anus, é tinha 3 fidjus y é tá trabadjaba na postu di enacol di Pedra Badejo, Santa Cruz. É tá trabadjaba komu agrikultor també y é tá moraba ku sê irmã y desdi tersa-fera, 24 di outubro é parsi na kaza.
Pesoas ki staba djuntu di lugar Gambota kuandu bai panhadu korpu flá má korpu staba disfiguradu y pamodi Keli ninguém ka konsigui odja era kenha.
Korpu atxadu nunpriti, só kum boxer tá tadja partis intimus u ki tá mostra mé podia staba na kama kuandu és atxal y atakal.

Pesoas ki odja tá panhadu korpu flá má korpu tinha um pé kortadu y tinha sinal klaru di kemadura , stá diskunfiadu mé foi torturadu pá tal asasinu.

Na mesmu dia 25 di outubro korpu panhadu pá autoridadis sanitáriu y judisial y bai fazedu izamis na sidadi di Praia pá djodi identidadi di vítima, desdi kel dia ka faladu nês kazu.

Gosi djá sabedu mé Edmilson Tavares más konxidu pá Diego, um jovem alegri y amigu di tudu alguém.

Autoridadis judisial stá na terenu tá tenta diskubri kenha ki kometi és krimi orível . Um kazu ki surprendi sidadi di Pedra Badejo.

“Santiago Magazine /DYPK”