Hoji quarta fera dia 30, ta iniciadu ku es campanha na Serra Malagueta na Santa Catarina.

Ki anuncia es noticia foi gabinete de primeru-ministru, José Maria Neves, ki fla ma sta komesadu hoji na Cabo Verde ku plantason di árvores e ki ti 2030 ta plantadu na totalidade oito milhon, keli conforme compromisso ki nos governo assumi na Cimeira sobre Clima, ki fazedu na Paris.

Campanha de plantason de árvres ta ser desenvolvidu pa Ministério de Ambiente, Habitação e Ordenamento de Território (MAHOT), em parceria ku Ministério de Desenvolvimento Rural (MDR),ki sta ben propoi ki espécies de arvre ki sta ben plantadu.

Durante Cimeira sobre Clima ki fazedu de 30 de Novembro ti 11 de Dezembro, ministru de Ambiente, Habitação e Ordenamento de Território, Antero Veiga, flaba ma sta previsto pa Cabo Verde planta ti 2030 oito milhon de árvores, quantidade ki ta da pa planta 20 mil hectar de txon, um média de 400 árvre pa kada hectar.

Ministru flaba “ nu sta ben reforça e intensifika plantason de árvores tanto na meio urbanu, undi ki mas de 65 por cento de populason caboverdiano ta vivi, komu tambe ta plantadu na meio rural”, e Antero Veiga xplikaba ma keli è sima ki kada caboverdiano sta planta um árvore por anu, na próximos 15 anus.

Cabo Verde teni nes momentu, cerca de 90 mil hectar de áreas ku florestas, ki ta representa 23 por cento de superfície de país, o ki ka è suficiente pa atingi 7º Objetivu de ”Desenvolvimento do Milénio” ki era de atingi 25 por cento de área kobertu ku árvres.

Pa além des meta, nos governantes assumi mas otru três compromisso durante evento na Paris, ki è de nu txiga anu de 2030 ta uza 100 por cento de energias renováveis, e de mobiliza cerca de 75 milhon de metros cúbicos de agu e tambe compromisso de aposta na tratamento e reciclagem de resíduos sólidos.

Primeru-ministru José Maria Neves ki sta pa faze hoji na Serra Malagueta, plantason de primeru pè de arvore ki ta faze parte des campanha de planta oitu milhon di árvores na Cabo Verde interu.

Inforpress