Marta Monteiro sta pidi pa djudal atxa si irma ki nunka é ka txiga de konxi. Senhora ki sta buskadu txoma Ana Guilhermina Mendès Monteiro e dje sta mas de 50 anu separadu de si familia.

Segundu Marta conta na si mensage ki é manda DYPK, si irma de nome Ana Guilhermina Mendès Monteiro lebadu ku tres anu de idade pa Guiné Bissau, e nunka mas es ka odjal.
Dipos de mas de 50 anu sem odja si fidju mae de Marta ki sta ku 84 anu ti inda sta sufri pamodi falta de noticias de si filha Ana Guilhermina.

Mae tevi ki dexa si filha lebadu pa Guiné pamodi pai de meninu ki era portugues(si kumpanheru), morre, e na kel altura es mae ka tinha kondison pa fika ku si filha. Enton mae da si meninu na si cunhada  (um  irma mas velha de pai de mininu), nome des cunhada é Eunice dos Reis Borges. Es irma mas velha de pai de meninu tinha midjor kondison de vida e por isso é leba criança de 3 anu pa Guiné Bissau pa é bai krial. Mas só ki nunka mas mae de meninu ka obi noticia del,  es fladu ma talvez si filha sta gosi na vivi na Lisboa na Portugal, mas es ka ten certeza si keli é verdade.

Marta fla ma djes tenta de vários manera encontra si irma ki é ka konxi e ki gosi sta ku kuase 60 anu.

Familia teni certidon de nascimento de Ana Guilhermina, e sem disisti de buska, Marta kre divulga dados de si irma ku esperança ma alguen sabe undi ki é sta. É kré konsigui realiza desejo de si mae de 84 anu, ki ka odja si filha, desde ki separa del ku 3 anu pa ti dia de hoje.

13115672_792379434238716_623272792_n (1)Na registo de nascimento de irma de Marta sta seguintes dados:

Nome: Ana Guilhermina Mendès Monteiro (nome de pessoa ki sta prokuradu)

Data de nascimento: 17/08/1957

Local de nascimento: Achada Falcao

Freguesia: Santa Catarina

Ilha: Santiago

Nome da Mae: Arcangela Mendès Monteiro

Nome do pai: Hugo dos Reis Borges

Marta sta pidi pa kenha ki teni algum informason de si irma, pa por favor kontactal atraves de si Facebook > nes link

É fla ”As unicas informacoes que que eu tenho é que ela vive em Portugal, em Lisboa….gostaria muito de poder encontra-la e pode-la dizer o quanto nos a amamos….por favor ajudem me a encontrar a minha irma, partilhem essa informacao ao maximo que poderem, ate que chegue a ela, tenho esperanca que é dessa vez que a vou encontrar…. tenho fe em Deus.”