Odair Monteiro ''Vany''

Odair Monteiro ”Vany”

Odair Monteiro konxedu pa Vany, de 24 anu, sta voltaba pa França, undi ki é ta vivi, dipos de passa féria na Cabo Verde. Es jovem ki era deficienti e ki ta staba num carrinho de roda, tinha pedido um autorizason pa é pode faze es viagem.

Onti dia 3 de Setembro,  avion de TAP ki Odair sta viajaba nel, sai de Lisboa kantu staba 08h12 de parmanhan em direson a Paris, mas na meio de caminho avion tevi ki faze um desvio de emergência pa aeroporto ki staba mas próximu, pamodi Odair Monteiro tevi um paragem respiratório durante voo.

Aleida Monteiro ki é irma de Odair, staba tambe na viaja djuntu ku si irmon, é fla DYPK ma Odair ta usaba um aparelho ki ta djudaba el respira oras ké ta xinti mal, e ma é utilisa es aparelho duranti viagem de Cabo Verde pa Portugal e ma si irmon staba dretu.

Na Portugal es troca de avion rápido, es panha avion de TAP pa bai Paris. Mas durante voo, aparelho ki Odair ta usa pa respira fica sem carga e dentru de avion ka tinha nada pa carregaba kel aparelho. Devido es situason, Odair bira ta xinti mal e é tevi problema respiratório.  Ainda é foi assistido durante voo pa um médico ki staba a bordo.

Segundo jornal portugues, Correio da Manha divulga, dentru des avion de TAP ka tinha meios suficiente pa socorri es jovem. Avion ka tinha um desfibrilhador ki era preciso pa salva vítima.

Dadu alerta, avion  desviado pa aeroporto de Espanha ku intenson de leba es jovem pa ser sokorredu ku urgência, mas Odair ka konsigui resisti e antes de txiga Espanha, dje staba morto.

Avion xinta na aeroporto de Barajas, na Madrid, Espanha,  staba 9h45 (horário espanhol). Lá cumprido ku procedimentos sima ta kostuma fazedu na casos sima keli, e kes outru passageiros sigui pa Paris kantu staba 14 hora de tarde.

Aleida Monteiro staba presente na momento ki si irmon passa mal, nu perguntal si é ta confirma ma  na avion ka tinha meios pa salva si irmon. Aleida fla ma sim, ma sta faltaba meios de socorro, mas ma médico ki staba presente na voo faze tudu pa tenta salva si irmon.