1915423_980758378648900_434169074644177182_n

Kantora de ilha de Fogu Neusa de Pina sufri um acidente de karro kel domingo li na Boston, Merca.

Na si página na facebook, Neusa de Pina fla ma è sta na stadu de choki. “Onti n odja morte de pertu!! Mi ku nha filha Madine nu sufri um terrível acidente de karro! Ki alegria podi sta li nes momento e skrebi ma nu sta bibo. Aleluia”, si ki sta num post ki Neusa publika.

Segundo Neusa de Pina, na momento ki karro bati é ka obi nada. È odja so olhar de medo de si fidju e voz ta fla “mama mama, sai karro sta xpludi”. Kantora konta me ka konsigue responde me staba na um stado de choki. “Tudo fika branku. N perdi força, fika sima ki nha spritu sai de nha korpu pa algum segundo.

Neusa de Pina revela inda me ka konsigue mexi. Cinto ku porta blokia. Karro staba kuazi ta pega lumi; “Foi tudo rapido, ‪ambulância, ‪‎policias‬ e pessoas ku um alma grande, djunta pa djudano sai de la antis de pior konticeba” è konta.

Kantora afirma me ka sabi ixatamente kuze ki kontice. E sabi so me korda de novo e el staba bibo pamodi “nsa xinte dor, dor e dor”. “Nha pé direita kuazi ka sa ta mexi, e nha piskos també, nha filha nada ka fazel, graças a Deus ” è fla. Inda è acrescenta ma è prendi ma “nos nu ka nada e ma kualker segundo tudo pode muda. Nu podi morri. Goci go so nta agradeci Deus pa tudo. Nunka mas nka ta reklama de vida… Nta ama nha pessoa”.