Éder Xavier, Dirce Lima e Helena Amado é rostus de novus apresentadores de casa mas controlado de Cabo Verde.

Na um comunicado ki Green Studio, organizason de programa ”Casa do Líder” manda DYPK, es anuncia kenha ki ta ser novu apresentadores des reality show ki ta komesa inda nes mês de Agosto.

Éder Xavier, ki dja é konxedu pa grande publiku devido programas ki dje ten apresentado na TIVER ku na TCV, gosi tambe es jovem profissional sta bem ku si bom disposison apresenta tudu dia, um resumo e novidades de kusé ki ta kontisi dentu de Casa do Líder 2.

Ki sta kompanha Éder Xavier nes apresentasons diário, é Dirce Lima, ki tambe é apresentadora de telivison e um conhecida jovem empresária e vlogger ligada a mundo de moda.

Galas ki ta fazedu semanalmente ta ser apresentado pa Helena Amado.

Organizason, inda informa, ma nes 2.ª temporada sta partisipa concorrentes de Cabo Verde, Angola, Moçambique, Portugal, e possivelmente tambe concorrente de outros países de CPLP.

É 12 alguen ki sta bai fika 10 semana fitxadu na um casa, undi ki es ta “vigiado” 24 hora por dia. Público ta pode sisti durante dia interu na site oficial de programa, tudu kusa ki concorrentes ta faze, e inda tudu dia ta transmitido um resumo de acontecimentos na Televison de Cabo Verde (TCV).

casa do líder 2