LISBOA – Kabu Verdi sa mesti pensa na papel di Nbaixada na Purtugal pa tem mas kondison pa djuda jovens ku crianças di origem caboverdianu ki nanci na Purtugal, si ki konsultora Roza Moniz fla, pa es konsultora komunidadi di caboverdianos na Portugal, sa spera mas di Kabu Verdi.

11012892_867823583284892_5348122403109387373_n
Na ntrevista pa Inforpress, ko-autora di studu diagnóstiku sobri “Komunikaçon entri Kabu Verdi e sê diáspura” fla ma objectivu eh teni un ntervenson social e pedagógiku djunto di sês imigranti, pamodi, na Purtugal, kabu-verdianus sa spera txeu di país.

Segundu eh fla, keli eh um kasu aparti, pamodi, kês konpatriotas ta isforça pa djuda kês ki fika na arquipélagu, Roza Moniz ta kridita mé inportante Kabu Verde tambe participa na idukaçon di jovens e crianças ki nasci na kel país eropeu.

“ Sês pais sa kontinua ta idukás ku kês mesmu ferramenta kês edukadu na Kabu Verdi anus atras, sima por exemplu, undi tudu alguém na zonas rural, alguen ta djobeba tudu alguen e ta ruspetaba mas bedju”, eh splika.

Pa kel dirigenti di Assosiacon Luso Kabuverdiana di Sintra formadu na komunikason social, gosi, krianças sata nânci ku “ships” avançadu e pais ka tem kondison di orientas oh kumpanhas.

“Keli é um grandi prublema, pamodi ês ka ta konsigui xinti ligadu a sês família e tanbé na scola ês ka ta konsigui xinti integradu, kuza ki ta lebas a ranja sês propi ispasu” ki, munti bes, eka aceitadu pa sociedadi, eh lamenta.

Pa, Roza Moniz es jovens é dretu e ês ka sabi, pamodi ês ta usa oportunidade ki sês épuka ta das e ês ta fazi kuza ki sociedadi ta riprova.

Sês ta uzaba koragi ki es tem, pa kuzas dretu, era bom, eh fla, nda eh fla ma tem necessidade di riforsa komunikacon ku diaspura ki sta na Purtugal pa mensagen podi txiga na alvu.

Investimentu ki sa mesti, sigundu Roza Moniz, é pusta na stratégia inovadora di djunta diáspura, qui signifika kapacita instituison e alguem pa odja e fazi kuzas di manera diferente.

Na papia sobri rikomendason di studu, ke fazi djuntu ku Mário Moniz na Purtugal, Luxemburgu, França e Holanda, eh difendi ki instiuison debi trabadja djuntu pa riforsa korrdenason na komunikason ku diáspura, qui tanbé debi ser adaptadu pa publiku-alvu.

Di sê parti, ê fla mê tem didikadu 25% di se tenpu pa Asociaçon Luso Kabuverdiana di Sintra, ki tem stadu ta apoia komunidadi kabuberdianu e djuda pessoas na pensa modi kês ta konvivi ku dinheru.

“Nu tem stadu ta reflecti djuntu ku pessoas sobri “abri mó oh não” na kês difícil tenpu di krise li, si ki es avtivista fla, e tanbé eh fla, ma alén di kapasitason na poupança, associaçon sta spesializa na formason parental.

Roza Moniz ta usa kel tenpu ki ta resta na si propi empresa R ao CUBO Coaching, undi é gerenti e ê komesa un projectu pessoal di empreendidorismu na ária de “coaching” formason e konsultoria, ku kela kê kré kontribui pa djuda famílias pa teni projectu di vida e konsigui risultadu, na usa kapacidadi e potencialidadi

Inforpress