Nos Selecção Nacional de Futebol (residentes na CV) perde hoji durante jogo de preparason pa CHAN (Copa de Africa das Nações pa jogadores residentes). Marrocos 4-0 Cabo Verde

Jogu kontisi na tarde de hoje na Rabat, seleson caboverdiano conta so ku jogadores ki ta juga na campeonatos local. Hoji es juga dipos de um semana de treino na ilha de São Vicente.

Na primeru pré-convocatória, selecionador Lúcio Antunes convoca sete jogadores ki ta juga na Portugal, mas pamodi keli ka é um data de FIFA e pamodi ka é seleson principal, kes sete jogadores ka foi dispensado na clubes undi ki es ta juga..

Lúcio Antunes fla ma é kreba ganha jogo, mas é considera ma mas importante é testa jovens jogadores ki na futuro pode representa seleson principal de Cabo Verde.

Es jogo de hoji, fazedu nes altura ki tambe sta realizado Taça das Nações Africanas (CAN), na Gabão, undi ki Cabo Verde ka consegui apuramento,keli, dipos ki nu participa de kes 2 últimus CAN passado.

Es semana, seleson caboverdiano também fika ta sabe kual ki é ses adversários pa apuramento pa CAN2019, ki é Uganda, Tanzânia e Lesoto.

Cabo Verde sta tambe na apuramento pa Mundial2018, ki ta bai jugado na Rússia, e CV sta na último lugar de Grupo D de zona africano, pamodi es perde 2 bes na otrus jogos.

África do Sul sta lidera classificason ku quatro ponto, ki é mesmo quantidade de ponto ki Burkina Faso teni e Senegal teni três ponto.

Na próximu jornada, ki ta jugadu na mes de agosto, Cabo Verde ta juga na casa kontra África do Sul, enquanto ki Senegal ta recebe Burkina Faso.

Seleccionador Nacional, Lúcio Antunes, skodji hoje juga ku es onze jogadores residentes na CV:

Guarda-Redes: Dorivaldo
Defesas: Ady, Idelvis, Djack, Admar
Médios: Fifa, Maniche, Oceano
Avançados: Kelly, Tchubasco, Rambé

Suplentes: Nilson, Kiki, Fache, James, Zé Manel, Xibaca, Duke, Latch, Rody e Ró

Odja video

VIDEO Seka Péli