PJ
Keli é sigundu grevi di funcionárius di pulícia científiku kabu-verdianu kel anu li, gosi es ta faze grevi, dipôs di kel grevi di 2 dia ki fazedu na Fevereru ku mesmu rivindakason.

Mário Xavier, prisidenti di Associason Sindikal di Funcionarios di Invistigason Kriminal y di apoiu pa Nvistigason Kriminal (ASFIC/PJ), fla ma na grevi na primero dia staba 90% di funcionarios di PJ.
Na entra na sigundu dia di grevi, Mário Xavier fla “funcionárius di PJ sta firmi na sentidu di atxa un soluson pa nos problemas”.
Mas eh fla ma si Governu ka risolvi situason, proximu passu é dimisson en bloku, inda kel mês li, dimisson di tudu quadrus di PJ.

Líder di sindikatu mostra sê fastiu di Ministeriu di Justisa pa forma modi kês sa leba prosesu. Eh afirma “governu nda ka flanu nada. Só es ta parsi pa tenta para grevi y na kelotu dia kata risolvi nada”. Mário Xavier fla ma propi Governu sabe ma nos luta é justu, mas ka kré da kel kê justu. Es kré ,sim, kaba ku Pulícia Judiciária, mas nu ka ta dexa pa keli kontisi”.

Líder sindical fla ma PJ sata fazi nes momentu kês servisus minimus na tudu arquipélagu, es sta na faze só sirvisu di piqueti y di enkaminhamentu.

NoticiasdoNorte