@s)…Boa Vista:
Guinienses Revolta onti sabadu, es sta pidi justiça pamodi alguen tenta mata um Homi di ses terra.
Onti Centenas di guinenses tenta invadi Eskuadra di Polícia Nacional na Sal Rei- ilha di BoaVista, nes eskuadra sta presu um di suspeitu ki dâ tiro na kabeça di um di ses konterrâneo na bairru “Barraca”.
Kantu Kes grupu di Guinienses li tenta invadi eskuadra ,Polícia responde ku tiro na ar.
Tudu komesa onti sabadu,10 ,na bairru di Boa Esperança (Barraca). Um cidadon guiniense, ki é segurança di um discoteka, dadu tirru na rostu, Mamadu Yero Candé, 38 anu, atakadu pa um grupu di jovens. Um des dispara ku um arma“Boka Bedju”kontra es guiniense.
Nes momentu estadu di saúde di Mamadou Yero é estável(é sta fora di perigo) mas é foi evakuado desdi onti pa Praia, undi ki é sta na recebe tratamentu na Hospital Agostinho Neto.Èh teni ferimentu na boka ku na odju diretu.
Polícia prende um suspeitu.
Kantu Guinienses dâ konta ma um pessoa foi prezu, centenas di guinienses desloka di Zona di Barraca em direson a Eskuadra local. Es kria “presta conta” ku kel supostu pessoa ki dispara kontra ses “patricío” y ku es Revolta es kreba exigi justiça. Agentes ki staba là respondi ku vários tirru na ar.

Keli ka é Primeru bes ki Guinienses sta Revolta nes ilha di Boavista.
Na 2010, kantu um guarda nocturno di Guiné Bissau foi matadu ku pedrada, dezenas di guinienses Invadi um Liceu, ku pedras y faka na mô ta exigi justiça.