unnamed

Es anu, pa segundo bés, empreendedores caboverdianos ta pode candidata pa prémiu “Inovação e Empreendedorismo” ki ta ser dadu na evento ”Somos Cabo Verde- Os melhores do ano”
Diferente de anu passado, des bes,pa além di recebe troféu, vencedor tambe ta ganha 100.000,00 ECV.

Gala “Somos Cabo Verde – Os Melhores do Ano” sta marcadu pa dia 7 de Julho.

Segundo realizadores de evento anuncia na um email ki es envia DYPK, kenha ki pode candidata pa es premiu é jovens ki ten nacionalidade caboverdiano e ku idade entre 18 ti 40 anu.
Pa bu konkorre, basta bu apresenta um projecto de kriason ou expanson de empresa ki ten kes condisons li: ki ten possibilidade de realiza financeramente, ki ta adapta na mercado, projeto ten ki ten carácter inovador e credibilidade de referências akadémikus e/ou profissional de si promotores.
Candidatura ta consideradu komu jovem, si promotor de projecto ten 50% de capital de empresa,el só, ou em conjunto ku otru jovem.

Bu pode manda bu candidatura ti dia 7 de Abril pa endereço de email somoscaboverde@gmail.com. Na bu candidatura ku um texto kurtu, apresenta bu empresa ou bu idea e si dja bu teni, envia tambe bu Plano de Negócio. Tudu projectos ki sta koncorre pa es premiu, ten ki ser original.

Um grupo de Júri ta faze avaliason de tudu candidatura e es ta skodji 5 pré-nomeados, e dipos ta skodjedu 3 finalistas, ki ta fika nomeado pa recebe premiu na dia de evento, ki es anu ta kontisi na dia 7 de Julho.