DAKAR – Trenador de seleson de Cabo Verde, considera ma, ki apesar de derrota ki houve ku Senegal pa 2-0, ma é gosta de odja es jogo, e é reconhece ma Senegal mostra ma es ten “um equipa mutu forte”, mas é fla, ma é ta continua focalizado na qualificason pa proximu Mundial na Rússia.

Cabo Verde perde jogo, onti sábado na Dakar por 2-0 ku Senegal, um jogo de inicio de jornada de grupo D e pa qualificason pa Mundial’2018.
Na otru jogo des grupo, Burkina Faso recebe África do Sul e es empata 1-1.

Lúcio Antunes admite ma Senegal controla e es staba sempre bem posicionado. E ma es faze primeru golo, devido um falta de atenson defensivo, dipos ki Cabo Verde desperdiça um grande oportunidade.

Gosi ki dja kumpridu ku primeru jornada, Lúcio afirma ma é sta komesa prepara pa recebe Burkina Faso na Estádio Nacional, na Cidade de Praia, na més de Novembro. Inda é xplika ma Cabo Verde, sta ben tenta alcança pontos na África do Sul,e na Burkina Faso.

Sobre jogo de onti, técnico senegalês, Aliou Cisse, mostra ma é sta satisfetu ku ses vitória, ma keli faze 9 bés ki es ganha trás de kumpanheru. E é admite ma Cabo Verde “apresenta um equipa txeu organizadu” e ku ambison, mas ki começa ganha um fase de grupo é sempre importante pa alcança objetivus.