Kel dificienti ligason eroportuáriu pa ilha di Maio sa kausa txeu difikuldadi pa populaçon.
Un gravi acidenti di trabadju poi na stadu di koma un npresáriu di ilha ki spera mas di 3 hora pa apoiu.

MAIO1
Npresáriu di ramu di transporti di konstruçon civil sta na koma dipôs di acidenti di trabadju, si um membro di família fla na jornal Ocean Press, indiginadu pa falta di meiu dretu pa liga Miaio pa otus ilhas. Familiaris sta ndiginadu, pamodi npresáriu spera mas di 3 hora pé ivakuadu pa ilha di Santiagu, situason kês atxa ma kata da pa ceta.

“Keli é un situason txeu gravi ki ta lebano a rikonheci a kês txeu fragilidade qui ilha di Maio sa nfrenta na ultimus anus. Tem ki tomadu midida urgenti”, si ki Carlos Martins um subrinhu di npresáriu papia.

Kel prublema li, sa kria txeu opresson pa populason maiensi ki sa reklama pa midjor kondison e pa mas atenson di Governu.


Dificienti ligason aeroportuária

Moradoris e operadoris ekonómikus ta atxa prublema di acesu isternu gravi pamodi kês atrasu un riba di otu na ligason entri Cidadi di Praia e Ilha di Maio, fetu pa agencia Polar, ku navio “Sotaventu”.

Ês fla ma ilha teni prublema di prudutus na pratilera di lojas ki ta dexa prikupadu pupulason ki teni mó maradu.

“Ka sta kuzas congeladu, e ka sta midju pa animal, nês epuka li kê difícil pa kriadoris di ilha”, si ki Adelaide Brito, prufisora di Insinu Básiku Intigradu (EBI) fla.

“Ultimu bes ki barku para na Maiu era na dia 9 de Junhu e txiga sem karga, só ku passagerus. Falta di alimentus kata prijudika so populason, mas tanbé donus di loja”, eh fla.

Mas, tem kenha ki ta fla ma poder di kunpra na ilha kata justifica pa teni grandi stock. Kenha ki fla é gerenti di banku Kaixa Ekonomika, Carlos Martins, ki splika ma na ilha ka tem grossistas só “komerciantis pikinoti”.

“Kais di Maio dexa munti pa deseja”

Pa, Agostinho Silva, ki tanbé ta morra na ilha di Sotaventu, fla ma maioria di armadoris ka ta kré para na kais di Maio pamodi ka sta na bom stadu .

“Kais ta dexa munti pa deseja. É normal ki kês armadoris ka kré para nel, tipo ês ka ta kré dana sês naviu.

“Populason di ilha sa mesti di un portu ki ta konsigui atendi tudu nicissidades”, Agostinho Silva fla.

Pa kel Ki Ocean press konsigui sabe, só 2 bes pa semana (2ª e 6ª fera) ki ilha ta recebi voo, kuza ki maienses ta atxa mé ka suficiente pamodi stadu di Ilha di Porto Inglês.

Ocean Press