Donus di lojas di chines na Sanvicente sta exigi ses empregadus pa trabadja dia domingu y pa es faze txeu horas extra pa es podi recebi salário mínimo implementadu pa Governo,uns 4 mes atras. Patrons chines sta fla ma keli é PAMODI“komérciu sta fraku y por issu empregadus ten di trabaDja mas”. Kenha ki nega ta ser despidido, si ki empregadus fla.
Verónica Francês trabadja durante mas di sete anu num loja chines.
A poku tempu es exigi pa èh trabadja mas, inclusive pa é trabadja tudu dia domingu.
Se èh negaba kela, es ka ta daba el salário mínimo.Verónica ka aceta ,es tral di Trabadju, si ki é denuncia na jornal “A Semana. É fla: “Es mandan embora ku deskulpa ma Dja es ka mesten, pamodi ma n ka sta ruspeta regras di chefe, mas verdade é ki es flanu ma pa recebi salário di 11 mil escudu,nu tinha ki trabadja domingu y tambè faze mas horas. Kenha ki ka aceta es novu regra,sta despedido. Ami n flas ma n ka ta aceta ,es dispidin”. Sem empregu, Verónica ba denuncia si kazu na Inspecson-Geral di Trabadju (IGT), na cidade di Mindelo. Lá é fika ta sabe ma é tinha diretu a um indemnizason di 100 conto pamodi é ten mas di sete anu di trabadju. Entretanto patron chines, nunca ka dal es dinheru. “Inspeson Geral di Trabadju txoman mi Mas Nha ex-patron pa um enkontru, mas nunka é ka parce ,nem é ka pagan indemnizason”.
IGT Dja encaminha processu di Verónica pa tribunal. Mas ten mas kazus sima di Verónica, segundu jornal “A Semana na um visita ki es faze na alguns lojas di chines na ilha di Sanvicente, alguns empregadas fla: “Nunka nu ka recebi salário mínimo”. Ses patron kontinua na pagas Kes sete conto di antigamente.
Eugénia Soares, diretora di IGT na Sanvicente, garanti ma Kes li é so alguns kazus ki sta kontici si, y ma es kazus dja sta na ser resolvidu. “Maioria di lojas chines ta kumpri lei di salário mínimo. IGT sta sempre na terreno y dja nu multa alguns lojas pamodi es ka kumpri lei. Kenha ki ka paga salario minimo ta ser multado” si kiDiretora di Inspeson Geral di trabadju afirma.

Asemana