descriminaçao afro e rasta cabo verdeMiraflores reabri kombati à penteadus afro.
Kel situason li é ka novu nês stabelesimentu di ensinu, na 2012 um aluna ka dexadu entra eskola pamodi usa kabelu afro ku rasta.

Centro edukativu Miraflores, na praia, volta tá ser palku di kontrovérsia más um bês pamodi proibi entrada di alunus ki ta usa kabelu afro. Dês bês kontisi ku rapazes undi ki kortis ” inadequados” ká dexas sisti aulas. Segundu irmã Isabel Semedo, eskola tem normas.
Na inísiu dês mês di Março um grupo di rapazes ka dexadu entra eskola devidu a tipus di kortis di kabelus ó penteadus kês tá usa.Segundu fontis txeu di kes minis ki tá usa kes tipus di kabelus ka tá dexadu sisti aulas y és mandadu pés bai fala ku diretora ki bai falas di ” normas de convivência” y dipôs mandas bai sisti aulas sima ki nada ka houvi mas antis és dadu um semana pá resolvi situason di kabelu, sinou és tá volta a ser penalizadus.
Normas de convivência: segundu diretora di eskola é explika má tem normas ki Debi ser eskrupulosamenti respetadus y má pais tá apresentadu kes normas na momentu di matríkula ses fidjus undi és tá disidi ses tá aseita ou não, um bês ki minis dja stá matrikuladus na eskola tá signifika a priori ki pais aseita kumpri kês regras undi tá kebes tarefa di fazi kon ki regras seja kumpridus.
Discriminason: um norma ki na entendimentu di alunus, além di ka tá fazi sentidu tá txiga a ser diskriminatóriu dja ki maioria di caboverdianus tem labelu crespu, logu ka tem undi fugi di kabelu volumosu.
” Imprison ki nu tem é ki és regra é só pá kenha ki tem kabelu crespu, n’ conxi um alunu tá parsi ma el é oriental, ku kabelu bem más grandi ki di nôs, kuasi riba ombru, ki nês mesmu dia sta desfilaba entri nôs ki staba baradus na porta, y nada és ka flal sobri sê kabelu.Desabafa um entrevistadu.
Kestinadu sobri alunus kori risku di ser expulsus kasu és ka korta kabelo na estilu padron, diretora desdi anu 2014/2015 mostra firmeza na decison: “nka ta kredita ma alunus tá disafia eskola ti txiga nês pontu, más sês mostra resistênsia na kumpri normas, pá kes alunus menor nu tá konvida pais a djobi normas di convivênsia y sês ka konkorda nu tá dexas a vontadi pés poi ses fidjus notu eskola.”

És situason ka é novu na Miraflores, na 2012 um aluna baradu Na porta pamodi usa kabelu afro y rasta.
“A Nação /DYPK”