Tendo em conta kes onda di krimes ki sta contici últimos tempos na nos terra, nta kria pa
nhos publicam es consedjo em anónimo.

Ami é um jovem de 27 anos, graças a nha mãe ki é um mujer di fibra e batalhadora hoje ami ntorna um mujer de fibra també. Mas nta fika djeu triste oras ki nta odja ma djeu jovens ka tem opurtunidade de tem mãe sima kel mi ntem, um pessoa ki ta cuida di bo, dau consedjos, protegeu, fala ku bo.
Nhos ka ta imagina dor ki nta xinti oras ki n odja kes noticias li, e pior certos comentários, nta djora mesmo.

Desdi criança nha mãe ta falaba nos(mi e nhas irmãs) sobre homens ki ta pegu mininus ta mata, ta viola ou ta bendi, ntom ami ainda kriansa ku 8,9, nsufri tentativa de violação uns 3 bes,(nunca nfla nha família) mas nunca consumado pamodi nsabia modi ki nta evitaba simplesmente pamodi ntinha alguém ki ta mostraba mi modi ki npodia .

Enfim, kela é so pa mostra nhos ma nu ka devi sta li ta julga kes adolescentes que sufri.
Tudu Es dja sabi ma perigo existi sim mas, nenhum des ka ta pensa e reflecti sima um adulto, es é inconsequentes, i dependendo de meiu undi es ta vivi és é imaturos,inocentes, iludidos e fácil de alicias, por isso kel senhora foi capaz de ameaça e prostitui se sobrinha, el era única alguém ki kel menininha tinha pa cuida e protegel.

Na Cabo Verde nu mesti informa midjor nhos crianças sobri kes perigos, nu devi dexa de ser machistas, arrogantes, ignorantes e dexa de vivi pa aparência e mostra mas amor, compaixão, solidariedade, dialogas ku nos minis, mostras verdade nua e crua, si nu ta dexas odja novelas, filmes e certos desenhos animados pamodi nu ka ta xinta pa nu flas kusas claros, nu tem ki ser realistas.
Violadores sexuais ka tem cara, pedófilos, psicopatas, pessoas ku kes distúrbios la sta djeu e és podi ser ami, abo, qualquer um ki st na bo lado, bo ki sta le es nha consedjo li, podi ser bu irmon, amigo, namorado, pai, mai, chefe, fidjo,sobrinho, e nem sempre bu ta komsigui identificas pamodi és é pessoas mais confiáveis amigos e carinhos ku podi conxi, ntom todo o kuidado é pouco, kenha ki ta flaba ma kes dos rapazes di terra branca ta fazeba tudu keli?
Ami nka ta nem sunhaba, mas djes fazi nsta admirada, mas nau chocada.

Nu lembra ma kualker um di nos podi ser vitimas, ntom nu seja mas amigos e solidários.”

Bu ta konkorda ku nos AMIGA?
Ki otrus medidas ki bu atxa ma debi tomadu pa diminui es problema na Cabo Verde?
Komenta..