PRAIA – Presidente de República, Jorge Carlos Fonseca, pidi soluson pa problema de demora na dadu passaportes caboverdianos, ki conforme é fla, keli é um problema ki ka é de gosi ki sta kontisi..

Chefe de Estado, ki volta pa Cabo Verde segunda-fera, dipos de um vista ki é faze na Portugal ku na Espanha, undi ki é teve oportunidade de kontra ku comunidades caboverdianos ki ta reside na kes país, é fla ma durante visita ma é foi confrontado ku queixas sobre es situason de demora na emisson de passaporte.
“Demora na emisson de passaporte é um queixa recorrente de nos concidadons na strangeru. Na tudu ladu, nu foi confrontado ku problema ki, aliás, ka é de agora. É atrazu de meses e de um, a dos(2) anu. E isso continua inda ku passaporte biométrico”, si ki PR xplika.

Jorge Carlos Fonseca fla ma tem havido txeu promessas ma ta resolvedu kel situason li rápido, mas ma ti hoje es promessas ka concretizadu. Por isso, é da sugeston, pa autoridades atxa um “ramédi” es assuntu, pa es djobi undi ki sta fadja e kual ki é motivo des fadjas.

“Nu é um país de emigrason ku cidadons espadjadu na quatro cantos de mundo. Demora irrazoável na emisson de passaporte (e outros documentos) pode causa e ta causa txeu prejuízos pa nos guentis, as vez, é prejuizos ki ka ta da pa kompu e dramátiku, e es pode inclusivamente perde oportunidades de emprego, e es pode caí na situason de ilegalidade ou até expulson”. Jorge Carlos Fonseca alerta.

“Nu ten ki encontra solusons! Reavalia e corrigi mecanismos e procedimentos ki existe, se necessário, atxa soluson na hora, adequado e justo. N sta bem contaca Governo pa keli”, si ki Jorge Carlos Fonseca publika na si página pessoal na rede social Facebook.

Jorge Carlos Fonseca staba desde dia 21 ti dia 27 na viaja entre Portugal e Espanha, undi ki é visita comunidades caboverdiano e tambe é aproveta pa é reuni ku autoridades local.
Tambe na Portugal, é faze um visita na doentes caboverdianos ki evacuado ki sta na três penson, na centro de Lisboa. É doentes ki sta na kel país na faze tratamento.

Inforpress/DYPK