Primeiro-Ministro garante es segunda-fera li, dia 7, ma  Governo ka sta bem sina num kontrato pa privatizason de empresas publiku e nem ma, es ka ta toma num medida strategiku nes tempo de kampanha eleitoral pa legislativas  de 20 de Março.

Primeiro – Ministro: “ Governo ka sta ben privatiza num empresa nes tempo de kampanha eleitoral ”

“Nu fazeba si na 2005 ku na 2010, e goci dja nu torna toma decizom de desde dia 20 de Feverero, ka privatiza ninhum empresa nem toma nenhum decizom estrategiku ki pode bem kompromete proximo Governo ki ta bem fika dipos de eleison de dia 20 de Março”,  è garante.
José Maria Neves responde assi pa Olavo Correia, vice-presidente de MpD, ki è principal partido de opozison, ki papia es segunda fera li, kontra alegado intenson de Governo na avança ku kontratu de privatizason de portos de país nes tempo eleitoral. Segundo Olavo, è atxa ma kontrato debi ser sinado pa novu Governo, ki ta bem podu apartir de 20 de Março.

Sinatura de kontrato pa privatizasom de portos debi kontice ku proximu novu Governo

olavo-correia-4

Olavo Correia – Vice-presidente de MpD

 

Olavo Correia, fla ma  MpD é a favor de privatizason, transferencia de parcela de servico publiku, merkado e konkorencia, mas keli é ka midjor altura pa liga próximu Governo na um kontrato de 10, 15 ou 20 anu. Vice-presidente de MpD defende ma konduson des processo ka debi ser fetu ku pressa, pamodi kel Governo ki sta gosi, sta na final de mandato e ma “kel ki ka fazedu durante  15 anu ka pode ser rekuperadu na 2 semana “.

“Investidores pode fika trankilo pamodi nos è a favor de privatizason e de transferencia de parcela de servico publiko, mas nu ta pensa ma è importante nes fase de eleisom, pa Governo ka sinaba nada ki ta kompromete proximu Governo na um prazo de 10, 15 ou 20 anu”, è defende.

Olavo Correia pidi pa Governo prepara  processo ku responsabilidade, mas ki konfirmasom de kontratu ser fetu pa proximu Executivo. Pa otu lado è lembra tambe ma Carlitos Fortes, presidente de Enapor, empresa ki ta administra portos, através de um karta ki è manda pa Primeru Ministru, è mostra ma è sta preokupadu, ku manera ki kredu poi portos de CV ta funciona, segundo è fla, es manera ta penaliza interesses de Cabo Verde.