Um individuo di São Tomé e Príncipe ki ta vivi na ilha di Sal sta na ser investigadu por tráfiku di kriolas, pa ba ser exploradu sexualmenti na Angola. Èh foi prezu na mes di Novembro passadu, dipos ki 2 JOVENS di Sal denuncial na Polícia Judiciária, JOVENS meninas denuncial PAMODI é toma passaportes di mininas, keli kontici 2 dia antes di um viagem ki meninas tinha markadu pa Angola. Durante investigason Policia atxa es santomense, ku passaportes di txeu mudjeres , mudjeres di ilha di Sal y tambè di outrus ilhas, tambe é atxadu ku txeu dinheru em dólares, euros y escudu cabo-verdiano.

Es Homi Dja sta na vivi na ilha di Sal mas ou menus um anu, é ta apresenta si pessoa komu empresário di ramo di comércio di mariscos. Um pessoa ku Kenha ki es santomense Dja tenta faze negocio , fla ma es santomense ten um jetu di alguen “fino”,é fla:”é ta sta sempre bem bistidu,ku txeu dinheru na bolsu, é ta mostra ma el é um empresario ki ten sucesso na si país,y é fla ma è ten amizade ku txeu HOMIS di negocio angolanos, es santomense ta faze amizadi ku meninas JOVENS ,y é ta konvences ma é ta ranjas Trabadju na Angola, é ta flas ma là es ta ganha txeu dinheru na poku tempu.
Txeu meninas ta akredita”.

Es homi santomense ki sta na ser suspetu di faze parte di um rede di tráfiku humano ki ta explora mudjeres sexualmenti , so deskubridu Kusè ki é ta faze na mes di Novembro kantu, 2 meninas deskunfia di si komportamentu, y es ba denuncial na Policia Judiciaria.
Es meninas Dja tinha viagem markadu pa Angola, kantu sta faltaba 2 dia pa es viaja,es pidi ses passaporte na santomense ,ki nega das ses dokumentu.
Foi es santomense ki djudas trata di visto ,passaporte y ki kumpras passagem.
Mas passaporte é ka krè entregaba meninas antis des viaja, é flaba ma é ta entregas so na hora di viagem pa Angola.
Kantu es 2 meninas ba dâ kexa, Policia poi es santomense prezu y é apresentadu na Tribunal di Comarca di Sal, Juiz dal medida “Termo de Identidade e Residência” é sta na kaza y é foi proibidu di saí di país.

Es santomense teni ligason ku empresários ki ten sucesso na Angola, Pois kela ki santomense ta fla na meninas.
Policia judiciaria Poi hipotese ma AMIGUS angolanos des santomense podi ser kes empresarios ki sta na ser investigadu por tráfiku di mudjeres brasileras.
Mas di 1.500 brasileras, fazedu promessa di dadu pagamento ki ta bai di 10 mil a 100 mil dólares,si es aceta faze “programas” fora di ses país.
Aliás, foi kantu Kes 2 caboverdianas odja kel novela “Salve Jorge” y alguns filmes y documentários ta mostra es realidade di mudjeres ki ta enganadu na Brasil, kela ki Poi es 2 caboverdianas deskunfia des santomense, y es ba denuncial na Policia.

Polícia di CV fla ma ten hipótese di ki dipos ki Brasil denuncia rede di trafiku na Angola, gosi trafikantes, Dja Poi odju na cabo-verdianas.
Segundu um fonte fla, na Sal ten jovens ku aparencia sima di brasileras, y varios meninas ta bai ku turistas pa poku dinheru, por issu trafikantes, ta Poi odju na kriolas ,pa faze es Trabadju.

Tráfiku humano pa explorason sexual,é um di Mas grandes fontes di faze dinheru ilegalmenti na mundo atualmenti y kada dia es tipo di krime sta aumenta Mas.
Di akordu ku “Organização Internacional do Trabalho” (OIT), lukru mundial ku es tráfiku ta txiga na ser 31,6 biliões di dólares por anu.

Es santomense,tambè sta na ser investigadu pamodi é dâ kaloti na pousadas, lojas y restaurantes. É paga ku txeu cheques sem fundo.
Nes momentu é sta mora na um apartamento na Santa Maria, ki é aluga, tambè é aluga 2, espaços comercial ki inda sta vazio. “É ta kostuma fla alguen ma el é empresário ,ma é ben pa Sal monta um negócio di importason di mariscos di São Tomé.

Asemana