926301a75675ff8640b62bafcd3f999e_L

Sábado ki passa tecto di um bar kai riba di três alguen na zona di Várzea, Praia.
Keli provoca morte di Mário Alberto de Pina Rocha di 45 anu,mas konxedu pa “Marito”.
Segundu informason Marito staba kompanhadu pa um amiga nes bar ki é ta frequentaba manenti.
Kantu tecto kai, ba panhal na kabeça, é ka resisti ferimento é mori.
Kes otru 2 alguen ki tecto panha nês també, é um mudjer ku um kriança, es panha pankada levi.
Marito era professor di scola primária, na scola di São Martinho, si amigus sta pidi pa fazedu justiça pa si morte.
Txeu alguen na Fazenda e na Várzea konxeba es professor, si amigus sta indignado ku es situason, um dês fla, ma dono di bar undi ki Marito panha pankada mortal,ten ki respondi na justiça e indemniza familiares pa kel ki kontici.

Familias di Marito lança pididu di ajuda na internet. Es sta pidi donativos, pa djudas ku kusto di funeral e ku despesas di médiku ki fazedu..
Si bu krê djuda es familia por favor klika li > Donativos familia Rocha/Pina