Mas di 50 alguém reune pa volta de 20:00, des terça fera, na Praça Alexandre Albuquerque, na cidade de Praia, na um vigília de solidariedade ku activistas preso na Angola, em especial pa artistas Luaty, ki sta na greve de fome.
Es vigília komesa oitu hora de note djunto de Igreja Matriz de Kapital, ku prezensa de artistas, amigos e pessoas de sociedade civil ki ta zela pa saúde, principalmente de Luaty ki sta na greve de fome dja tem cerka de 25 dia, komo forma de protesto pamodi é prendedo.
Keli é segundo bes ki dja fazedo um vigília na Cabo Verde a favor a cerka de 100 prezos políticos na Angola. Desafio dja lançada, na semana passadu, pa João Branco, directamente de São Vicente e, kel semana li, mas um bes, djunta amigos e otus alguém pa um “energia positiva” a favor de kes activistas.
Cajô Spencer, um de kes Angolanos ki steve na vigília fla me ta spera ma situasom ta resolve
mas rápido possível.
Facto é ki, enkuanto na Cabo Verde ninguém ka ta proibe es iniciativa, na Angola munte alguém ki fazi mesmo ki nos pressionado e prendedo, sima alguns imprensa Angolano da konta.
Cajô Spencer fla ma es forma de Governo Angolano tenta kala es iniciativa ” ta assusta”.

Vigília de noti des terça fera, dia 13, teve també komo objectivo de pide Luaty pa kuida de se Saúde. ” tem um kampanha ki nu sa ta fazi ki é “Luaty come só”. Keli ki nu kre, saúde, resto dipos ta resolve”, Spencer inda afirma ma regime político angolano sa ta assusta tudo alguém.
Samira Pereira, ki també staba na kel vigília ta spera ma assom tipo kes ki es fazi la, kontice um poku pa tudo lado, e pa tem um efeito positivo. ” kreio ki kada um de nos ta bem tem un mensagem. O ki nu tem em comum é ki nu sta solidário ku es kauza, pa liberdade, pa direito de kumprimento de lei de home na tudo parte de mundo, em particular ku prezo políticos na Angola e ku activistas e rapper angolano Luaty ki sta ta fazi greve de fome convicto ku se direitos ki ka é so di sel, é di tudo si humanidade”.
Spencer fla ma vigilias me pa kotinua ti ki tomado um pozisom sobre es situasom.
Vigilia-Praia

A Naçao