IMG_20141229_223330

@s)..Erupson di vulcon: Atualizason di 29/12/2014

– Sô um frente di lava ki inda sta activu na kontinua na destrui terrenos di plantason:
Protecção Civil informa hoji ma actividade di vulcon sta “estável”, é sta na bota poku gás ku poku lavas, mas escoada di lava ki sta bai pa norte di Dje di Lorna (ilhéu de Losna) sta inda activu e sta destrui lugar ki teni pé di arvre di maça ku horta di uva.
Segundo presidente di Serviço Nacional de Protecção Civil e Bombeiros (SNPCB), Arlindo Lima, djes nota ma atividade di vulcon dja bira mas poku ,mas inda ka finda.
Escoada di lavas djuntu di Casa Matilde, na zona sul di Dje di Lorna (Ilhéu de Losna) sta praticamente paradu.

– Sobre situason di familias ki foi desalojados:
Presidente di SNPCB fla ma “tudo sta na bai normalmente”, é fla ma sô quatro ou cinco familias ki inda sta na tendas na centro de acolhimento di Achada Furna, é informa ma autoridades sta kontinua na buska kasas pa renda pa realoja es familias.
Kes alguen ki sta alojado na scolas e na centro social na Mosteiros, ês,es ta ben fika la mas tempu, pamodi es é txeu, Arlindo Lima fla ma ka é fácil atxa kasas pa es tudu.
A partir di Janeru, conforme Primeru Ministru anuncia ta ser renovadu kes kasas di Monte Grande e Achada Furna, e tambe ta realizadu obras di konstruson di mas 100 kasas pa pessoas ser realojadu nês defenitivamente.

Arlindo Lima fka na Inforpress ma staba pa txiga manhan terça fera um barco di Angola ku material di konstruson civil, mas últimu informason sta indika ma barco ta txiga ilha di Fogo ti sexta-fera, 02 di Janeru.
Ora ki barco txiga parte di material pa konstruson ki ta ben, ta ser armazenadu na espaço di Enapor, ki ta fika pertu di porto undi ki barco ta fika atracado, e otru parte, ki é cerca di 70 mil saku di cimento, ta ba podu na armazém di SIC, ki é antigu instalason di Empa di cidade di São Filipe. Além di cimento ku ferro ki sta ben di Angola,tambe sta mandadu portas ku janelas (ki dja sta fetu).

Inforpress